Organizimi i Strukturës
Partia do të funksionojë mbi bazë strukturash të përshtatura për një demokraci sa më të thellë e përfaqësuese brenda organizatës. Këto struktura bazë të organizimit janë:
- Selia Qëndore e Partisë – me Kryesinë e ADR
- Degët Rajonale në 12 Qarqe – me Kryesinë Rajonale
- Qendrat sipas 61 Bashkive – me Kryesinë e Qendrës – dhe
- Njësitë Territoriale – një e tillë për cdo 3.000 banorë.
Kryesitë respektive përbëhen nga drejtuesit e niveleve poshtë tyre dhe një përfaqësues nga qendra. Kështu
- Kryesia e ADR ka kryetarët e 12 degëve rajonale dhe kryetarin e partisë.
- Kryesia e Degëve Rajonale (te Qarqeve) ka kryetarët e Qendrave administrative bashkiake që përfshihen në një rajon dhe një përfaqësues qendror
- Kryesia qëndrore. Kryesia e Qendrës (bashkiake) ka si anëtarë kryetarët e Njësive Territoriale dhe një përfaqësues nga Dega Rajonale.
Përfaqësuesi nga niveli sipëror ndryshohet me rotacion cdo 3-4 muaj, për të penguar nepotizmin dhe për të gjallëruar veprimtaritë.